კონკრეტული „ენჯეოები“ ჩართულები იყვნენ სტრატეგიული ეკონომიკური პროექტების ჩაგდებაში, რის გამოც უკვე მიადგა ზიანი ჩვენი ენერგეტიკული დამოუკიდებლობის ინტერესს, - ამის შესახებ პრემიერ-მინისტრმა ირაკლი კობახიძემ ბრიფინგზე განაცხადა.

მისივე თქმით, ქვეყანას რომ გაჭვირვალობის შესახებ კანონი ჰქონოდა, ამ „ენჯეოებს“ გაუჭირდებოდათ საქართველოს ენერგეტიკული დამოუკიდებლობის ინტერესების წინააღმდეგ მოქმედება.

„კონკრეტული „ენჯეოები“ ჩართულები იყვნენ სტრატეგიული ეკონომიკური პროექტების ჩაგდებაში, რის გამოც უკვე მიადგა ზიანი, მაგალითად, ჩვენი ენერგეტიკული დამოუკიდებლობის ინტერესს.

მე მგონია, აქაც, რომ ყოფილიყო კანონი გამჭვირვალობის შესახებ, ამ „ენჯეოებს“ გაუჭირდებოდათ, ასე თავხედურად ემოქმედათ ჩვენი ენერგეტიკული დამოუკიდებლობის ინტერესების წინააღმდეგ, და უფრო მეტად გაუფრთხილდებოდნენ საკუთარ დონორებს“, - აღნიშნა კობახიძემ.