ისრაელში ქვეყნის პრემიერ-მინისტრის ბენიამინ ნეთანიაჰუს კორუფციული ბრალდებების საქმეზე სასამართლო პროცესი იწყება.
ნეთანიაჰუ, რომელიც ქვეყნის ისტორიაში სისხლის სამართალში მიცემული პირველი პრემიერ-მინისტრია, ვალდებულია გამოცხადდეს სასამართლოში.
გასული წლის ბოლოს ისრაელის გენერალურმა პროკურატურამ კორუფციული ბრალდება წაუყენა პრემიერ-მინისტრ ბენიამინ ნეთანიაჰუს. პროკურორებმა მაშინ განაცხადეს, რომ ნეთანიაჰუ მდიდარი ბიზნესმენებისგან იღებდა საჩუქრებს, რომელთა საერთო ღირებულებაა 300 ათასი დოლარი. ასევე მედიაბიზნესის წარმომადგენლებს სამსახურს უწევდა თავისი მოღვაწეობის უფრო დადებითი გაშუქების სანაცვლოდ.
ნეთანიაჰუ ყველა ბრალდებას უარყოფს და მას „კუდიანებზე ნადირობას“ უწოდებს.
როგორც ცნობილია, ერთი კვირის წინ ისრაელის კნესეტმა ნდობის ვოტუმი გამოუცხადა 35-ე მთავრობას ბენიამინ ნეთანიაჰუს ხელმძღვანელობით.
სარეკლამო ადგილი - 11 650 x 60 |