მე მინდა მივმართო რეგიონში ყველა იმ ადამიანს, ვინც ახლა ტელევიზორით გვიყურებს, რომ უნდა შემოგვიერთდნენ. პირადად მე, ჩვენი პარტია მზად არის გაუკეთოს ორგანიზება, - ამის შესახებ პარტია „ლელოს“ ლიდერმა მამუკა ხაზარაძემ „ტვ.პირველის“ ეთერში განაცხადა.

„მინდა ყველას მოვუწოდო სიმხნევისკენ, ეს არის ნამდვილად გადამწყვეტი ბრძოლა ჩვენი ქვეყნისთვის, ჩვენი ოჯახებისთვის, ჩვენი შვილებისთვის, ჩვენი თავისუფლებისთვის. ამიტომ უნდა გამოვიდეთ რაც შეიძლება მეტნი. მე მინდა მივმართო რეგიონში ყველა იმ ადამიანს, ვინც ახლა ტელევიზორით გვიყურებს, რომ უნდა შემოგვიერთდეთ. პირადად მე, ჩვენი პარტია მზად არის გააკეთოს ორგანიზება. ღიად ვამბობ ამას, ტრანსპორტის ორგანიზება და ყველანაირი სხვა ორგანიზება იმიტომ, რომ ეს არ არის, ასე ვთქვათ, რიგითი კანონი. ეს არის კანონი, რომლის მიღების შემთხვევაში, ჩვენი ქვეყნის პრაქტიკულად, გეოპოლიტიკური ტრაექტორია იცვლება. ამიტომ არანაირი დათმობა არ იქნება“, - აღნიშნა მან.