ეს არის „ნაციონალური მოძრაობის“ სახე და კარგად ხედავთ განსხვავებას ჩვენსა და კოლექტიურ „ნაციონალურ მოძრაობას“ შორის, - ამის შესახებ „ხალხის ძალის“ თავმჯდომარე სოზარ სუბარმა „იმედი LIVE“-ის ეთერში განაცხადა, რითაც ტელეკომპანიის ჟურნალისტებზე თავდასხმას გამოეხმაურა.
„ახშობენ სიტყვის თავისუფლებას ევროკავშირის დროშით. ეს არის ამათი ღირებულებები, ეს არის ამათი სახე და ძალიან მაინტერესებს სად არის ახლა ნიკა გვარამია. როგორც არბევდა ამ ტელეკომპანია „იმედს“, იგივეს აკეთებს ახლა ის ადამიანი. მივიდეს და დაიცვას ჟურნალისტების უფლებები.
ეს არის „ნაციონალური მოძრაობის“ სახე და კარგად ხედავთ განსხვავებას ჩვენსა და კოლექტიურ „ნაციონალურ მოძრაობას“ შორის. „ნაციონალური მოძრაობის“ ჟურნალისტების მიმართ შეიძლება ვიღაცამ თქვას ჩვენი მხრიდან, თქვენ არ გაძლევთ კომენტარს და ესეც უფრო ხშირად ხდება არა კომენტარის არ მიცემა, არამედ, როცა ისინი ინდივიდუალურად გვთხოვენ კომენტარს იმიტომ, რომ დარწმუნებულები ვართ დაამახინჯებენ ჩვენს ნათქვამს“, - განმარტა სოზარ სუბარმა.
სარეკლამო ადგილი - 11 650 x 60 |