მამუკა მდინარაძემ ერთი ხელის მოსმით გააცამტვერა რადიკალური ოპოზიციის ქმედებები და დაუკარგა მათ სახე, - ამის შესახებ პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, რატი იონათამიშვილმა განაცხადა.

მისი თქმით, რადიკალურ ოპოზიციას არცერთი არგუმენტი არ ჰქონდათ „გამჭვირვალობის კანონის“ განხილვისას.

„ჩვენ ვნახეთ, რომ არცერთი არგუმენტი არ ჰქონდათ მათ და ერთადერთი, რაზეც აპელირებდნენ, იყო იმან ასე თქვა, ამან ასე თქვა. სხვა ფაქტობრივად, პოლემიკაში შესვლის არანაირი მცდელობა არ ჰქონიათ. ამის არც რესურსი გააჩნიათ, არც საფუძველი და ეს კიდევ ერთხელ აჩვენებს ჩვენს საზოგადოებას, რომ ჩვენ ვართ სიმართლის მხარეს, ჩვენ ვართ ჩვენი ქვეყნის ეროვნული და სახელმწიფოებრივი ამოცანების მხარეს“, - აღნიშნა რატი იონათამიშვილმა.