105
27 აპრილი 2024, 00:00
„დღევანდელი ევროკავშირი ამერიკის ხელში არის ჩვეულებრივი ბუფერული ზონა რუსეთსა და ჩინეთს შორის. ამის დადასტურებაა მათი შიდა თუ საგარეო პოლიტიკა და ეკონომიკის მაჩვენებელი.“ - ამის შესახებ მედიასთან „ხალხის ძალის“ წევრმა, ანალიტიკოსმა ზურაბ ქადაგიძემ განაცხადა.
მისი თქმით, ახლა ბრძოლა მიდის იმასთან დაკავშირებით, რომ ჩინეთი ევროპულ ბაზარზე და კავკასიაში არ შევიდეს და ევროპაში მესამე, დიდი აქტორის როლი არ შეასრულოს. ამ გეოპოლიტიკურ ჯახში კი, ხელისუფლების ძალიან სწორი და პრაგმატული პოლიტიკის დამსახურებით, საქართველო ყველაზე მშვიდობიანი დერეფანი აღმოჩნდა.
„ევროკავშირმა უნდა შეასრულოს ამერიკის უსაფრთხოებისთვის გარკვეული როლი. ამის ერთ-ერთი მაგალითია უკრაინაში ომის აფეთქება, რამაც შედარებით გაანეიტრალა აგრესორი რუსეთი, ახლა კი ბრძოლა მიდის იმასთან დაკავშირებით, რომ ჩინეთი ევროპულ ბაზარზე და კავკასიაში არ შევიდეს და ევროპაში მესამე, დიდი აქტორის როლი არ შეასრულოს. ამ გეოპოლიტიკურ ჯახში, ჩვენი ხელისუფლების ძალიან სწორი და პრაგმატული პოლიტიკის დამსახურებით, აღმოვჩნდით ყველაზე მშვიდობიანი დერეფანი. აფეთქდა ციმბირული მაგისტრალები, აფეთქდა ის სამხედრო მაგისტრალები, რაც ირანზე გადის და ხვალ რა იქნება, არავინ იცის; აფეთქებულია საზღვაო არხები და რჩება აზია-ევროპის დამაკავშირებელი ერთადერთი მწვანე გზა, რომელიც საქართველოზე გადის. ჩავთვალოთ, რომ ეს გზაც თუ „აფეთქდა“, ევროკავშირი ამერიკის ამარა დარჩება. ამისთვის მიდის ბრძოლა. კუბილიუსიც და ფოტიგაც ამ პროცესებში უბრალოდ შემსრულებლები არიან“, - განაცხადა ზურაბ ქადაგიძემ.
| სარეკლამო ადგილი - 11 650 x 60 |
