239
11 სექტემბერი 2023, 18:01
„იმ ახალგაზრდების უმრავლესობაც კი, რომლებიც მოტყუებით გამოიყვანეს ქუჩაში და გააპროტესტებინეს „ქვეყნის არასწორი მომავალი“, თუ იდეურად ომისა და ღალატის პარტიის წარმომადგენლები არ არიან, არ იქნებიან თანახმა საქართველოს ევროინტეგრაცია ქვეყნის განადგურებისა და ომში ჩართვის ფასად მოხდეს,“ - ამის შესახებ „ხალხის ძალის“ წევრმა, ეკა სეფაშვილმა გადაცემაში „პოლიტიკური პოსტი“ „ხალხის ძალის“ მიერ დღეს გავრცელებულ განცხადებაზე საუბრისას განაცხადა.
სეფაშვილის თქმით, ნინო ლომჯარიას ირგვლივ არსებული პოლიტიკური დაჯგუფება არის ჩვეულებრივი აგენტების მიერ დაფუძნებული გაერთიანება, რომლის საბოლოო მიზანი იქნება სხვადასხვა დროსა და ვითარებაში გლობალური ომის პარტიის დავალებების უპირობო შესრულება, რომელთაგან ახლა ყველაზე აქტუალურია მეორე ფრონტის გახსნა.
„ხალხის ძალის“ დღევანდელი წერილის მიზანი იყო საზოგადოება გაგვეფრთხილებინა, რომ გლობალური ომის პარტიას შუაშისტების სახელით პოლიტიკაში ნინო ლომჯარიას შემოყვანა უნდა, თუმცა, ჩემი აზრით, საზოგადოებამ უკვე კარგად დაინახა ამა თუ იმ პოლიტიკოსის სახე. იმდენჯერ ჩაატარეს მსგავსი ილეთი, რომ საზოგადოებაზე ეს აღარ ჭრის. მერამდენედ უშვებენ ერთსა და იმავე შეცდომას - მანამდე იყო გახარია, მერე ვიქტორ ყიფიანი, ახლა ნინო ლომჯარია, რომელიც საქართველოს ბომბებით გადაწვას ნატრობდა. ევროინტეგრაცია იმის საფასურად, რომ საქართველო განადგურდეს, ომისა და ღალატის პარტიის წევრების გარდა, არავის უნდა. იმ ახალგაზრდების უმრავლესობაც კი, რომლებიც მოტყუებით გამოიყვანეს ქუჩაში და გააპროტესტებინეს „ქვეყნის არასწორი მომავალი“, თუ იდეურად ომისა და ღალატის პარტიის წარმომადგენლები არ არიან, არ იქნებიან თანახმა საქართველოს ევროინტეგრაცია ქვეყნის განადგურებისა და ომში ჩართვის ფასად მოხდეს. ეს წერილიც ჩვენი მხრიდან საზოგადოების გაფრთხილებაა, რადგან ჩვენი მოვალეობაა საზოგადოებას ვამცნოთ, რომ ლომჯარიას ირგვლივ არსებული პოლიტიკური დაჯგუფება ვითომდა ახალ დღის წესრიგს რომ დგამს, სინამდვილეში ეს არავითარი ახალი დღის წესრიგი არ არის. ეს არის ჩვეულებრივი აგენტების მიერ დაფუძნებული გაერთიანება, რომლის საბოლოო მიზანი იქნება სხვადასხვა დროსა და ვითარებაში გლობალური ომის პარტიის დავალებების უპირობო შესრულება, რომელთაგან ახლა ყველაზე აქტუალურია მეორე ფრონტის გახსნა. ჩვენი გათვლებით, ეს მომავალშიც აქტუალური იქნება, მას შემდეგაც, რაც რუსეთსა და უკრაინას შორის კონფლიქტი დაკონსერვდება,“ - განაცხადა ეკა სეფაშვილმა.
| სარეკლამო ადგილი - 11 650 x 60 |
