269
20 აპრილი 2023, 19:03
ზურაბ ქადაგიძე აშშ-ის ელჩის, კელი დეგნანის განცხადებას გამოეხმაურა და აღნიშნა, რომ ელჩმა ამ განცხადებით ფაქტობრივად აღიარა მისი მხარდაჭერა საქართველოში განვითარებული ყველა რადიკალური პროცესის მიმართ.
„1921 წელს „შულავრის“ რევოლუციური კომიტეტის მთავარი მისია იყო დამოუკიდებელი საქართველოს სახელმწიფო ხელისუფლების ორგანოების ლიკვიდაცია და ახალი ხელისუფლების ორგანოების შექმნა.
ჰოდა 2023 წელს, საქართველოში ახალი „შულავრის“ კომიტეტი ჩამოყალიბდა, რომლის მიზანია საქართველოს აღმასრულებელ, საპარლამენტო, სასამართლო ხელისუფლებათა და სახელმწიფო ინსტიტუტთა ლიკვიდაცია.
ამის ნათელი მაგალითია ის აღვირახსნილი კამპანია ქართული მართლმსაჯულების წინააღმდეგ, რასაც მისი, როგორც სახელმწიფო ფუნდამენტის მორყევა უნდა მოჰყვეს.
გილოცავთ, „შულავრის“ საზოგადოებავ, 21-ში თუ ფილიპე მახარაძე გხელმძღვანელობდათ, ახლა კელი დეგნანი მოგევლინათ მხსნელად.
რა ვიცი, აბა, ამის მეტი რაღა უნდა იკადროს და როგორღა გვითხრას ღიად ელჩმა, რომ ყველა რადიკალური პროცესის უკან ისინი დგანან?!“ - წერს ზურაბ ქადაგიძე.
| სარეკლამო ადგილი - 11 650 x 60 |
