387
14 ივნისი 2022, 17:34
„კანდიდატის სტატუსი არის პოლიტიკური გადაწყვეტილება და დიდი და გრძელი გზის დასაწყისი საბოლოო წევრობამდე, ის არც იაფი ფულია, არც უფასო მკურნალობა და არც უფასო სწავლა. არაფერია განსხვავებული იმისგან, რა სარგებელსაც ახლა ვიღებთ ევროპისგან“- ასე გამოეხმაურა ანალიტიკოსი ზურაბ ქადაგიძე გია ჯაფარიძის ტელეკომპანია „ფორმულას“ ეთერში გაკეთებულ განცხადებას იმის თაობაზე, თუ რას ნიშნავს საქართველოსთვის ევროკავშირის კანდიდატის სტატუსის მიღება.
„აი, ასე აბრუებენ ხალხს, რომ როგორმე საპროტესტო ტალღა ააგორონ...ეს გაუგონარი კაცი ყველა სიტყვას, რასაც ამბობს, მიზანმიმართულად იტყუება. კანდიდატის სტატუსი არის პოლიტიკური გადაწყვეტილება და დიდი და გრძელი გზის დასაწყისი საბოლოო წევრობამდე, ის არც იაფი ფულია, არც უფასო მკურნალობა და არც უფასო სწავლა. არაფერია განსხვავებული იმისგან, რა სარგებელსაც ახლა ვიღებთ ევროპისგან და თქვენ გგონიათ, რომ ამ კაცმა არ იცის რასაც იტყუება?! მაგრამ იტყუება იმიტომ, რომ ხალხი გააბრუოს და თვალებში ნაცარი შეაყაროს...“- წერს ქადაგიძე Facebook-ზე.
| სარეკლამო ადგილი - 11 650 x 60 |
