9
24 ნოემბერი 2024, 22:37
დაკეტილია რუსთაველის გამზირი და მანქანები ხალხს ხომ არ გადაუვლის? სად გინახავთ გადაკეტილ რუსთაველზე მანქანებით სიარული? - ამის შესახებ საპატრულო პოლიციის დეპარტამენტის ხელმძღვანელმა ვაჟა სირაძემ ჟურნალისტებს განუცხადა.
დაპირისპირება აქციის მონაწილეებსა და სამართალდამცავებს შორის რამდენიმე ხნის წინ მოხდა. პოლიციამ აქციის მონაწილეებს რუსთაველზე მანქანებით გადაადგილების საშუალება არ მისცა.
ვაჟა სირაძის განმარტებით, პოლიცია უსაფრთხოებას იცავს:
„დაკეტილია რუსთაველის გამზირი და მანქანები ხალხს ხომ არ გადაუვლის. სას გინახავთ გადაკეტილ რუსთაველზე მანქანებით სიარული? ოდესმე გაგიგიათ? უსაფრთხოებიდან გამომდინარე მანქანები ვერ ივლიან. ხალხს ვეხმარებით, რომ დადგნენ და წავიდნენ მსვლელობით, როგორც ხდება ხოლმე“, - განაცხადა ვაჟა სირაძემ.
ოპოზიცია აქტივისტებთან ერთად რუსთაველზე არიან შეკრებულნი და ღამის გათენებას აპირებენ. მათი მიზანია ხელი შეუშალონ მეთერთმეტე მოწვევის პარლამენტის შეკრებას და მის ლეგიტიმიზაციას.
ოპოზიციის ლიდერები ხალხს მოუწოდებენ ქუჩაში მათთან ერთად დადგნენ. მათივე თქმით, ისინი სხვა გზებით შეეცდებიან იმ ნივთების რუსთაველზე შეტანას, რაც მანქანებში ედოთ და პოლიციის გამო ვერ შეძლეს...
რამდენიმე ხნის უკან მათ მოახერხეს კიდევ რამდენიმე მანქანით პოლიციის კორდონის გარღვევა... ამბობენ, რომ რამდენიმე ხანში კარვებსაც გაშლიან...
| სარეკლამო ადგილი - 11 650 x 60 |
