პარალიზებული მაღაროები და მილიონობით ზარალი - რადიკალური ჯგუფის ექვსთვიანი პროტესტის შედეგად ჭიათურაში მანგანუმის მომპოვებელ საწარმოებში უმძიმესი ფინანსური მდგომარეობაა.

ხელოვნურად ბლოკირებული მაღაროებისა და მანგანუმის ბაზარზე არსებული გლობალური კრიზისის პარალელურად „ჭიათურა მენეჯმენტ კომპანი” ვერ ახერხებს კონკურენტუნარიანი პროდუქციის წარმოებას, რაც რეალურ საფუძველს აჩენს, რომ კომპანიამ ვეღარ უზრუნველყოს თანამშრომლების შენარჩუნება და მათთვის ხელფასების გადახდა.

შეგახსენებთ ჭიათურაში წარმოებაზე პასუხისმგებელია „ჭიათურა მენეჯმენტ კომპანი“, რომელსაც რადიკალური ჯგუფის წევრები მუშაობის უფლებას 6 თვეზე მეტია არ აძლევენ და შანტაჟის გზით კომპანიისგან დამატებითი თანხების გამოძალვას ცდილობენ.