108
13 ივნისი 2024, 23:56
რა გეგმები აქვს ტრამპს და როგორ ემზადება მისი გუნდი პრეზიდენტობის პირველი 100 დღის განმავლობაში ჩასატარებელი ღონისძიებებისათვის, ამ თემაზე სოციალურ ქსელში „ხალხის ძალის“ წევრი დავით ქართველიშვილი ვრცელ პოსტს აქვეყნებს და განსაკუთრებულ აქცენტს აკეთებს იმაზე, რომ იმ ცვლილებებისათვის, რომლის განხორციელებასაც პრეზიდენტობის შემთხვევაში ტრამპი აპირებს, ამერიკელების 70 % მზადაა.
დავით ქართველიშვილი წერს, რომ ტრამპის გუნდი მზადაა ინოვაციებისთვის, ის აპირებს აშშ-ს სადაზვერვო ორგანიზაციების დაფინანსების შემცირებას, სახელმწიფო დეპარტამენტის რეორგანიზებას, დაზვერვის სამსახურებში ფართომასშტაბიან წმენდას. ეს და სხვა ცვლილებები, ქართველიშვილის აზრით, საგონებელში აგდებს რესპუბლიკელებს.
„ტრამპის გუნდი აქტიურად ამზადებს გეგმას პრეზიდენტობის პირველი 100 დღისთვის განკუთვნილი ძირითადი რეფორმების ჩასატარებლად. რესპუბლიკელებს სურთ სწრაფად შეარყიონ ქვეყნის deep state, შემოიტანონ რაც შეიძლება მეტი ინოვაცია და ისარგებლონ ლიბერალური ელიტების კლანში გარდაუვალი დაბნეულობით. ტრამპი იმედოვნებს, რომ დაუყოვნებლივ შეუმცირებს აშშ-ს სადაზვერვო ორგანიზაციების დაფინანსებას. FBI და CIA იქნებიან ამ თავდასხმის პირველი ობიექტები, რომლებზეც ტრამპი შურს იძიებს მისთვის „Russiagate“-ისა და 6 იანვარს კაპიტოლიუმის შტურმის შემდეგ შექმნილი პრობლემების გამო. მაშინ ხალხში სწორედ ამ ფედერალური ორგანიზაციების ბევრი პროვოკატორი იყო. პრობლემებით ემუქრება ტრამპი სახელმწიფო დეპარტამენტსაც. ამ დღეებში გაირკვა, რომ მან დააფინანსა უკრაინული არასამთავრობო ორგანიზაციების მუშაობა, რომლებიც ამერიკელ მემარჯვენეებს შორის "კიევის მტრების" სიებს ადგენდნენ. რესპუბლიკელები მათი დაფინანსების შეწყვეტას ითხოვენ.
ზოგადად, მოსალოდნელია სახელმწიფო დეპარტამენტის ბიუჯეტის მნიშვნელოვნად შემცირდება. სამომავლოდ ტრამპს სურს განახორციელოს ფართომასშტაბიანი წმენდები დაზვერვის სამსახურებში, სახელმწიფო დეპარტამენტსა და პენტაგონში, ათობით ათასობით ლიბერალური აპარატის დათხოვნის ხარჯზე, რომლებსაც ტრამპის თანამოაზრეები ჩაანაცვლებენ. ვაშინგტონში ასეთმა რყევამ შეიძლება მნიშვნელოვანი დარტყმა მიაყენოს არსებულ ლიბერალურ კონფიგურაციას.
ამასობაში კი, დემოკრატები ისტერიკაში არიან და მოსახლეობას „ამერიკული დემოკრატიის სიკვდილით“ აშინებენ იმ შემთხვევაში, თუკი ტრამპი წარმატებას მიაღწევს. ამავდროულად, სხვადასხვა ელექტორალურ მოდელებში, სწორედ ტრამპია ამჟამად გამარჯვების რეალური ფავორიტი. უბრალოდ, აშშ-ის არსებული სამთავრობო სისტემის სრული ნგრევა ან ტოტალური რესტრუქტურიზაცია, უკვე ამერიკელთა 70%-ს სურს. მათ მხოლოდ გაუხარდებათ, თუკი ტრამპი ომს გამოუცხადებს ვაშინგტონის ჭაობსა და მომაკვდავ ლიბერალურ სტატუს-კვოს," - წერს დავით ქართველიშვილი.
| სარეკლამო ადგილი - 11 650 x 60 |
