ერთადერთი ფული, რომელიც არ კონტროლდება დარჩა ენჯეოებში შემოსული ამერიკული, დასავლური ფული. ეს ფული რასაკვირველია იხარჯება დასავლური აზრის გასავრცელებლად საქართველოში-ამის შესახებ „გირჩის" დეპუტატმა, იაგო ხვიჩიამ „დღის ამბებში“ განაცხადა.
იაგო ხვიჩია არასამთავრობო ორგანიზაციების შესახებ საუბრობს და აღნიშნავს, რომ მათ სწორედ არასწორი აზრის გავრცელების გამო აქვთ სახელი გატეხილი.
მისივე თქმით, საჭიროა ამერიკელებთან იმაზე საუბარი, რომ ხალხს მათი წარმომადგენლები არ ეზიზღებოდეს.
„მე მომწონს, არ მომწონს, ეს სხვა საკითხია. ბევრი კარგი რამ გაუვრცელებიათ და ბევრი საქველმოქმედო პროექტი გაუკეთებიათ. ბევრი არასწორი აზრი გაუვრცელებიათ და ის არასწორი აზრების გავრცელება არის ის, რაც სახელს უტეხს ამ ორგანიზაციებს. ჩვენ უნდა ველაპარაკოთ ამერიკელებს, რომ მათ ეს ხალხი არ წარმოადგენდნენ. უნდა ველაპარაკოთ როგორ შეცვალონ, რომ რეპუტაციულად დამაზიანებელი არ იყოს მათი მიტინგზე გამოსვლა, რომ მათი წარმომადგენლები ხალხს უბრალოდ არ ეზიზღებოდეს“, - განაცხადა იაგო ხვიჩიამ.
| სარეკლამო ადგილი - 11 650 x 60 |
