34
17 აპრილი 2024, 00:22
გამჭვირვალობის კანონის საწინააღმდეგო საპროტესტო აქცია, რომელიც პარლამენტის შენობასთან მიმდინარეობდა, დასრულებულია.
ოპოზიციის ლიდერებმა დატოვეს ტერიტორია, აქციის მონაწილეთა დიდი ნაწილი ასევე წასულია.
რუსთაველის გამზირზე აქციის მონაწილეთა მხოლოდ მცირერიცხოვანი ჯგუფი რჩება. ადგილზე იმყოფებიან სამართალდამცველებიც.
შსს-ს ინფორმაციით, რუსთაველის გამზირსა და პარლამენტის შენობის ტერიტორიაზე მიმდინარე აქციის დროს აქციის მონაწილეები ფიზიკურად დაუპირისპირდნენ პოლიციელებს და მათი მიმართულებით ისროლეს სხვადასხვა ბლაგვი საგანი, მათ შორის, ქვები და ბოთლები. დაშავდა შინაგან საქმეთა სამინისტროს თანამშრომელი, რომელიც გადაყვანილია კავკასიის მედიცინის ცენტრში. ასევე, დაზიანებულია სამინისტროს კუთვნილი ავტომობილი. ფიზიკური დაპირისპირების აღსაკვეთადაც შინაგან საქმეთა სამინისტრომ გამოიყენა სპეციალური საშუალება - ე.წ. წიწაკის სპრეი. სამართალდამცველების მიერ კანონდარღვევისათვის ადმინისტრაციული წესით დაკავებულია 11 პირი.
სარეკლამო ადგილი - 11 650 x 60 |