სხდომის პარალელურად, პარლამენტის მიმდებარე ტერიტორიაზე საპროტესტო აქცია მიმდინარეობს. აქციაზე შეკრებილები გამჭვირვალობის შესახებ კანონპროექტს აპროტესტებენ.
აქციის მონაწილეებმა 12:00 საათიდან დაიწყეს შეკრება. აქციაზე იმყოფებიან მათ შორის სამოქალაქო აქტივისტები. მათი მოთხოვნა არის უცვლელი. ისინი აპროტესტებენ „უცხოური გავლენის გამჭვირვალობის შესახებ“ კანონპროექტს და ითხოვენ, რომ ეს კანონპროექტი უკან გაიწვიონ, რადგან ფიქრობენ, რომ კანონი აცდენილი ევროპულ სულისკვეთებას.
აქციაზე ასევე იმყოფებიან საპარლამენტო და არასაპარლამენტო ოპოზიციის წარმომადგენლები. მათ შორის ისინი, ვინც გუშინდელ აქციაზე იმ დაპირისპირების კერებში იმყოფებოდნენ, რაც საპროტესტო აქციაზე რამდენჯერმე მოხდა. „ქრონიკის“ კითხვაზე, რა საჭირო იყო მოწოდება პარლამენტისთვის წრის შემორტყმასთან დაკავშირებით, როდესაც რუსთაველის გამზირზე მშვიდობიანი პროტესტი მიმდინარეობდა და ადამიანები მშვიდობიან გარემოში გამოხატავდნენ საკუთარ სათქმელს? ისინი ამბობენ, რომ ეს იყო გამოხატვის ერთ-ერთი ფორმა და არ უარყოფენ იმას, რომ მათ შორის, ამ წრის შემორტყმის მიღმა იყო ჩანაფიქრი, საკანონმდებლო ორგანოს შესასვლელების ბლოკირების.
სარეკლამო ადგილი - 11 650 x 60 |