41
28 მარტი 2024, 14:25
სამების საკათედრო ტაძარში 1990-იანი წლების შეიარაღებული მოქმედებების დროს უგზო-უკვლოდ დაკარგული 12 იდენტიფიცირებული ადამიანის სამოქალაქო პანაშვიდზე პრემიერი და პარლამენტის თავმჯდომარე იმყოფებოდნენ. ირაკლი კობახიძემ და შალვა პაპუაშვილმა დაღუპულთა ოჯახების წევრებს და ახლობლებს მიუსამძიმრეს.
სახელმწიფო მინისტრის აპარატისა და წითელი ჯვრის საერთაშორისო კომიტეტის ერთობლივი თანამშრომლობით, ქართველებისა და აფხაზების მონაწილეობით, საკოორდინაციო მექანიზმის ფარგლებში, ამჯერად 10 სამხედრო და 2 მშვიდობიანი მოქალაქის გადმოსვენება და ოჯახებისთვის დაბრუნება მოხერხდა. ხუთ მებრძოლს დღესვე დიღმის ძმათა სასაფლაოზე, სხვა იდენტიფიცირებულებს კი, ოჯახების გადაწყვეტილებით, სხვადასხვა ადგილას, მათ შორის საგვარეულო სასაფლაოებზე სამხედრო პატივით დაკრძალავენ.
სარეკლამო ადგილი - 11 650 x 60 |