305
09 აგვისტო 2020, 14:44
ესპანეთის ყოფილი მონარქი ხუან კარლოსი, რომლის წინააღმდეგაც ქვეყანაში კორუფციის ბრალდებით გამოძიება მიმდინარეობს, არაბეთის გაერთიანებულ საამიროებში ჩავიდა. ფოტოს ესპანური გამოცემა ავრცელებს.
BBC-ის ინფორმაციით, ხუან კარლოსმა აბუ-დაბიში ხუთვარსკვლავიან „ემირატ პალას ჰოტელში“ მთელი სართული იქირავა.
ყოფილმა მეფემ ქვეყნის დატოვების შესახებ ორშაბათს განაცხადა და აღნიშნა, რომ თუ პროკურორებს მისი დაკითხვა დასჭირდებათ, ის მზადაა. ყოფილი მონარქი დანაშაულის ჩადენას უარყოფს.
ხუან კარლოსმა თითქმის 40-წლიანი მმართველობის შემდეგ ტახტი დატოვა და მონარქობა მის ვაჟს, ფილიპეს გადააბარა. ამას წინ უძღოდა კორუფციული სკანდალი და გამოძიება, რომელშიც მისი სიძე ფიგურირებდა.
ივნისში ესპანეთის უზენაესმა სასამართლომ გამოძიება დაიწყო ჩქაროსნული რკინიგზის კონტრაქტში ხუან კარლოსის სავარაუდო ჩართულობასთან დაკავშირებით, რომელიც საუდის არაბეთთან გაფორმდა.
სარეკლამო ადგილი - 11 650 x 60 |