318
23 მაისი 2020, 20:11
ვატიკანის ცნობილი მუზეუმი პირველი ივნისიდან გაიხსნება. ინფორმაციას ოფიციალური ვატიკანი ადასტურებს. მუზეუმი სტუმრებს გარკვეული რეგულაციების დაცვით მიიღებს. მუზეუმის ადმინისტრაციის განცხადების თანახმად, შენობაში ვიზიტორებს მხოლოდ ონლაინ დაჯავშნის შემდეგ მიიღებენ, რათა დამთვალიერებლების რიცხვი და ნაკადი აკონტროლონ.
მუზეუმში შესვლამდე ვიზიტორებს, რომლებსაც პირბადეების ტარება მოეთხოვებათ, ტემპერატურას გაუზომავენ და ხელის დეზინფექციას ჩაუტარებენ. მუზეუმის თანამშრომლები კი ასევე ატარებენ პირბადეებსა და ხელთათმანებს. საჭიროების შემთხვევაში მუზეუმში სამედიცინო დახმარების ჯგუფი იქნება. მანამდე მუზეუმში სრული დეზინფექცია ჩატარდა.
დახურული მუზეუმების გახსნა იტალიაში 18 მაისიდან დაიწყო.
სარეკლამო ადგილი - 11 650 x 60 |