ფლორენციაში მდებარე უფიცის გალერეა მუშაობას, სავარაუდოდ, ერთ კვირაში განაახლებს. მუზეუმის პრესსამსახურის ინფორმაციით, მათთვის ქვეყნის მთავრობას უსაფრთხოების შესაბამისი რეკომენდაციები არ მიუცია.

გახსნის შემდეგ გალერეა ერთდროულად არაუმეტეს 450 ადამიანს მიიღებს, რაც ჩვეულებრივ მაჩვენებელზე, 900 სტუმარზე ორჯერ ნაკლებია. მუზეუმში აცხადებენ, რომ კორონავირუსის პანდემიისგან მიყენებული ზარალი 10 მილიონ ევროს აღწევს. გასული წლის განმავლობაში უფიცის გალერეას 2,2 მილიონი ადამიანი ესტუმრა.

ორთვიანი კარანტინის შემდეგ იტალიაში მუზეუმები 18 მაისიდან გაიხსნება.