ოკუპირებულ აფხაზეთში კორონავირუსის კიდევ ერთი შემთხვევა დაფიქსირდა. ინფორმაციას ამის შესახებ ვირუსთან ბრძოლის მიზნით შექმნილი ე.წ. ოპერატიული შტაბი ავრცელებს.

მათი ინფორმაციით, დღის განმავლობაში კორონავირუსზე 23 ადამიანი გამოიკვლიეს, დადებითი პასუხი მხოლოდ ერთ მათგანს - კურსანტს აღმოაჩნდა, რომელიც გუდაუთის საავადმყოფოში გადაიყვანეს. 

საერთო ჯამში, ოკუპირებულ აფხაზეთში კორონავირუსი  37 ადამიანს დაუდასტურდა, 27 გამოჯანმრთელდა, 1 კი გარდაიცვალა. ინფიცირებულთა უმეტესობა კურსანტები არიან, რომლებიც რუსეთიდან დაბრუნდნენ. ყველა შემთხვევაში, კოვიდინფექცია ოკუპირებულ აფხაზეთში რუსეთიდან გავრცელდა.