329
09 ივნისი 2020, 20:16
ოკუპირებული აფხაზეთის ე.წ. უშიშროების სამსახური საქართველოს სამი მოქალაქის დაკავების შესახებ ინფორმაციას ავრცელებს.
დე ფაქტო უწყების ცნობით, რუსეთის „ეფ-ეს-ბეს“ სასაზღვრო სამმართველოსა და ოკუპირებული აფხაზეთის ე.წ. სახელმწიფო უსაფრთხოების სამსახურის თანამშრომელთა ერთობლივი ღონისძიების შედეგად, დაკავებულები არიან 1990 წელს დაბადებული ბუთხუზ კვირკვია, 1987 წელს დაბადებული მიხეილ ლამანძია და 1992 წელს დაბადებული მათე ლამანძია.
მათივე ცნობით, დაკავებულების მიმართ აღძრულია სისხლის სამართლის საქმე წინასწარი განზრახვით „საზღვრის“ უკანონო გადაკვეთის მუხლით. მათ ორიდან ხუთ წლამდე პატიმრობა ემუქრებათ.
სააგენტოს ინფორმაციით, დაკავებულები საგამოძიებო იზოლატორში იმყოფებიან.
| სარეკლამო ადგილი - 11 650 x 60 |
