354
24 მაისი 2020, 17:13
დღეს დილიდან, სოფელ ჯოყოლოში მუთოშვილების სახლთან დილიდან ხალხმრავლობა იყო, მუსლიმების რელიგიური დღესასწაულის რამადანის დასრულების შემდეგ, ტრადიციის მიხედვით, მოკლულისა და ბრალდებულის ოჯახები ერთმანეთთან უნდა შეერიგებინათ.
თუმცა, ორ გვარს შორის შერიგების საკითხზე თითქმის ერთსაათიანი მოლაპარაკებები უშედეგოდ დასრულდა. სოფელ საკობიანოში მოკლული ვისო მუთოშვილის ოჯახმა ქავთარაშილების გვართან შერიგებაზე უარი განაცხადა და დავის განხილვას შარიათის კანონით გეგმავენ.
შეხვედრას ადგილობრივებთან და უხუცესებთან ერთად თბილისიდან ხეობაში ჩასული სპორტსმენები და ახმეტა-თელავის მაჟორიტარი დეპუტატი გელა სამხარაულიც ესწრებოდა. მოლაპარაკებების დასრულების შემდეგ სამხარაულმა განაცხადა, რომ მსგავსი ხასიათის შეხვედრები მომავალშიც გაგრძელდება და არ არის გამორიცხული გვარებს შორის დაპირისპირება მშვიდობიანი გზით დასრულდეს.
37 წლის ვისო მუთოშვილი გასული წლის ნოემბერში სოფელ საკობიანოში მოკლეს. დაიჭრა სამი ადამიანი. მომხდარიდან მალევე პოლიციამ მკვლელობაში ბრალდებული არბი ქავთარაშვილი და რამაზ ხანგოშვილი დააკავა. თელავის რაიონულ სასამართლოში საქმის არსებითი განხილვა ამ დრომდე გრძელდება.
გვარებს შორის შერიგების მცდელობას რამდენიმე თვის წინათაც ჰქონდა, რა დროსაც ხეობაში ჩეჩნეთიდან ჩამოსული გავლენიანი პირები იმყოფებოდნენ, თუმცა, მოლაპარაკება მაშინაც უშედეგოდ დასრულდა.
| სარეკლამო ადგილი - 11 650 x 60 |
