354
14 მაისი 2020, 22:10
ბოლნისის რეგიონი კვლავ საყურადღებოდ დარჩება და არის მოლოდინი, რომ თუ შემდეგ დღეებში იქ 10 და 10-ზე მეტი ინფიცირებულის რაოდენობა იქნება, ამ რეგიონში ღონისძიებებს გავამკაცრებთ, - ამის შესახებ ჯანდაცვის მინისტრმა ეკატერინე ტიკარაძემ „პირველი არხის “ ეთერში განაცხადა.
„15 ახალი დაინფიცირებული ქვეყნის მასშტაბით დიდი გავლენას არ მოახდენს, თუმცა ბოლნისის რეგიონი არის საყურადღებო და, შესაბამისად, ჩვენ აქტიურ მუშაობას ვაგრძელებთ. ეპიდემიოლოგები და ჯანდაცვის სფეროს წარმომადგენლები ამ დღეების მანძილზე კვლავ ინტენსიურად გააგრძელებენ საველე სამუშაოებს, რის შედეგადაც ჩვენ ვიკვლევთ ამ რეგიონში მოსახლეობას. თუ შემდეგ დღეებში 10 და 10-ზე მეტი ინფიცირების შემთხვევა იქნება, ჩვენ ამ რეგიონში ღონისძიებებს გავამკაცრებთ და კვლავ დავტოვებთ იმ არსებულ მდგომარეობას, რომელის დღეს გვაქვს“, - განაცხადა ჯანდაცვის მინისტრმა.
ცნობისთვის, ბოლნისში კორონავირუსის 15 ახალი შემთხვევა დადასტურდა.
ქვეყანაში კორონავირუსი 667 ადამიანს დაუდასტურდა, აქედან 383 უკვე გამოჯანმრთელდა, 12 პაციენტი კი გარდაიცვალა.
სარეკლამო ადგილი - 11 650 x 60 |