338
11 აგვისტო 2020, 12:52
შინაგან საქმეთა მინისტრი ვახტანგ გომელაური აცხადებს, რომ საჭიროების შემთხვევაში თამარ ბაჩალიაშვილის საქმეში FBI ჩაერთვება. როგორც მინისტრმა საკითხის კომენტირებისას აღნიშნა, საქმის გამოძიება სავარაუდოდ მალე დასრულდება.
„ბაჩალიაშვილის საქმეზე ღიად ვერ ვისაუბრებ. გამოძიება მიდის, თუმცა მე ვფიქრობ, მალე დასრულდება გამოძიება. თუ საჭიროება იქნება, FBI ჩაერთვება სავარაუდოდ, ექსპერტიზის მიმართულებით, თუ დაგვჭირდება, თუმცა ჯერჯერობით გამომძიებლები მუშაობენ“, - განაცხადა ვახტანგ გომელაურმა.
შს მინისტრმა ქვეყააში კრიმინალის ზრდისა და კლების ტენდენციების შესახებაც ისაუბრა და განაცხადა, რომ სხვადასხვა მიმართულებით ზრდა ან კლება ჩვეულებრივი ამბავია.
„ეს სულ მოხდება, კრიმინალის სტატისტიკა ხან მოიმატებს, ხან დაიკლებს. გასაკვირი არაა", - განაცხადა ვახტანგ გომელაურმა.
სარეკლამო ადგილი - 11 650 x 60 |