შსს-ში დასრულდა გიორგი შაქარაშვილის გარდაცვალების საქმეზე ავთანდილ ბილანიშვილის ე.წ. კაწროს გამოკითხვა, რომელიც რამდენიმე საათის განმავლობაში მიმდინარეობდა.

როგორც გამოკითხვის დასრულების შემდეგ ადვოკატმა თამარ აბესაძემ ჟურნალისტებს განუცხადა, ავთანდილ ბილანიშვილმა გამოკითხვის დროს საკუთარი უდანაშაულობა დაადასტურა.

"ავთანდილ ბილანიშვილმა მოიხადა მისი მოქალაქეობრივი ვალი იმ გავრცელებული ამაზრზენი ინფორმაციის საპასუხოდ, გამოცხადდა სამინისტროში, რათა წარედგინა ის მტკიცებულებები, ტელეფონის დეტალური ამონაწერი, ასევე სხვა მტკიცებულებები, რითაც დასტურდება, რომ ავთანდილ ბილანიშვილი იმ დროს, იმ მომენტში იქ არ იმყოფებოდა, არ გასულა საერთოდ უბნიდან.

მინდა გაცნობოთ, რომ ზუსტად ახლა სამინისტრომ  დაადგინა ის თეთრპერანგიანი პირი, რომელზეც "მთავარი არხი" ამბობდა, რომ ეს იყო „კაწრო“.

ავთანდილ ბილანიშვილმა დაამტკიცა მისი უდანაშაულობა, რომ ის იქ არ ყოფილა. ბილანიშვილის ამ საქმეში მიკვრა არის პოლიტიკური ფონი.

ცრუ ბრალდებების საპასუხოდ ყველა კითხავს გავეცით პასუხი“, – განაცხადა ადვოკატმა.

მისივე თქმით, ბილანიშვილი დაპირისპირებულ მხარეში მონაწილეთაგან არავის არ იცნობს.