მცხეთის პოლიციაში გამოკითხვაზე იმყოფება, გიორგი შაქარაშვილის საქმის ერთ-ერთი მოწმე ანა გაბეჩავა, რომელიც წვეულების მასპინძელი იყო. ის გამოკითხვაზე ადვოკატთან ერთად მივიდა.

როგორც ჟურნალისტებს ანა გაბეჩავას ადვოკატმა ლიკა ბითაძემ განუცხადა, მისი დაცვის ქვეშ მყოფის დაკითხვა არ ეხება გიორგი შაქარაშვილის გარდაცვალების საქმის ფარგლებში მიმდინარე გამოძიებას. მისი ტქმით, ანა გაბეჩავას მიმართ ბულინგი ხორციელდება და საგამოძიებო უწყებაში სწორედ ამის გამო მივიდნენ.

ანა გაბეჩავამ ჟურნალისტებთან კომენტარი არ გააკეთა.

გიორგი შაქარაშვილი გარდაცვალებამდე მცხეთაში აგარაკზე სწორედ ანა გაბეჩავას დაბადების დღის წვეულებაზე იმყოფებოდა. 

19 ივნისს, დაახლოებით 11:00 საათზე, გიორგი შაქარაშვილის დაკარგვის შესახებ ოჯახმა შინაგან საქმეთა სამინისტროს მიმართა. პოლიციამ, სამაშველო სამსახურთან ერთად, შეტყობინების მიღებისთანავე დაიწყო სამძებრო სამუშაოები. 4-დღიანი საძიებო სამუშაოების შედეგად, მყვინთავებმა ფეხბურთელ გიორგი შაქარაშვილის ცხედარი წყალში იპოვეს.

გიორგი შაქარაშვილის გარდაცვალების საქმეზე ბრალდებულია 17 პირი. მცხეთის საქალაქო სასამართოს გადაწყვეტილებით, 17-ვე პირს აღკვეთის ღონისძიების სახით პატიმრობა აქვს შეფარდებული.