287
24 მაისი 2020, 11:09
პოლიციამ გორში მოპედის ქურდობის მცდელობის ფაქტი ცხელ კვალზე გახსნა, დაკავებულია ერთი პირი. შსს-ს ცნობით, შიდა ქართლის პოლიციის დეპარტამენტის გორის რაიონული სამმართველოს თანამშრომლებმა, 1994 წელს დაბადებული ლ.თ.ქურდობის მცდელობის ბრალდებით, ქალაქ გორში დააკავეს.
მათივე ინფორმაციით, დანაშაული 3-დან 5 წლამდე ვადით თავისუფლების აღკვეთას ითვალისწინებს.
„გამოძიებით დადგინდა, რომ ბრალდებული ქალაქ გორში, ანწუხელიძის ქუჩაზე მდებარე საცხოვრებელი კორპუსის ეზოში, მოქალაქის კუთვნილი მოპედის მოპარვას ცდილობდა.
ქურდობის მცდელობის ფაქტზე გამოძიება საქართველოს სსკ-ის 19-177-ე მუხლის მე-2 ნაწილის „ა“ქვეპუნქტით მიმდინარეობს“, - ნათქვამია შსს-ს განცხადებაში.
სარეკლამო ადგილი - 11 650 x 60 |