„მონებო, მონებო“, - ამ შეძახილით არასამთავრობო ორგანიზაცია "ალტერნატივა" ბათუმში, საოლქო კომისიის შენობასთან აქციას გამართა.
ბათუმის საარჩევნო საოლქო კომისიასთან მოძრაობა „ალტერნატივამ“ „სირცხვილის კორიდორი" მოაწყო. ორგანიზაციის წარმომადგენლები აცხადებენ, რომ მმართველმა პარტიამ საპარლამენტო არჩევნების შედეგები გააყალბა, რის გამოც პროტესტს გამოთქვამენ და ამბობენ, რომ ოპოზიციის გადაწყვეტილების მიუხედავად, „სირცხვილის კორიდორებს“ უწყობენ საარჩევნო ადმინისტრაციების ყველა წარმომადგენელს, ვისაც უბნებიდან ოლქში მოაქვს ბიულეტენები.
შენობის შესასვლელთან ისმოდა ხმამაღალი მუსიკა და შეძახილები – „მონებო“, „გამყალბებლებო“, „სირცხვილი თქვენ“.
მოგვიანებით, პოლიციამ აქციის მონაწილეები დააკავა, რადგანაც, აჭარის პოლიციის დეპარტამენტის უფროსის კოტე ანანიაშვილის თქმით, აქციის მონაწილეები არღვევდნენ კანონს და ხელს უშლიდნენ საოლქო კომისიას მუშაობაში.
კოტე ანანიაშვილის განცხადებით, ყველა მათგანი ადმინისტრაციული წესითაა დაკავებული.
სარეკლამო ადგილი - 11 650 x 60 |