ჩვენთან პარტიები სლოგანებს მაჟორიტარულზე აკეთებენ მაშინ, როცა სისტემა პროპორციული გვაქვს, – ამის შესახებ პოლიტოლოგმა, რამაზ საყვარელიძემ საქართველოს პირველი არხის გადაცემაში „აქტუალური თემა “ სტუმრობისას განაცხადა.
„სლოგანებს და ატრიბუტიკას გადამწყვეტი მნიშვნელობა აქვს მაჟორიტარულ სისტემაში. იმიტომ, რომ იქ თითოეული პოლიტიკოსი მუშაობს. პროპორციულში სლოგანი იდეოლოგიის სათაური უნდა იყოს, რაც მაჟორიტარულში არ არის საჭირო. ანუ, სლოგანის ხსენებაზე უნდა ხვდებოდე, მერე რა მოხდება. მაჟორიტარულში ეს აუცილებელი არ არის. ჩვენ ამ დროს, სლოგანებს ვაკეთებთ მაჟორიტარულზე და სისტემა პროპორციული გვაქვს, იდეოლოგია კი საერთოდ არც ერთ პარტიას არ აქვს“, – განაცხადა საყვარელიძემ.
გადაცემის წამყვანის შეკითხვაზე, რამდენად მიჰყვება ქართული პოლიტიკური სპექტრი საერთაშორისო ტენდენციებს, თუნდაც, პოლიტიკური კულტურის ნაწილში, რამაზ საყვარელიძემ განაცხადა, რომ ამ მხრივ, საქართველო ცოტა არეული ქვეყანაა.
„ამ მხრივ, ჩვენ ცოტა არეული ქვეყანა ვართ“, – განაცხადა რამაზ საყვარელიძემ.
სარეკლამო ადგილი - 11 650 x 60 |