884
09 ოქტომბერი 2019, 15:32
თბილისის მერია მერიის ფეხბურთის სპორტული ცენტრის – „იმედის“ რეაბილიტაციას აპირებს.
ამის შესახებ დედაქალაქის მერმა, კახა კალაძემ დღეს თბილისის მთავრობის სხდომაზე განაცხადა.
„ვგეგმავთ თბილისის მერიის ფეხბურთის სპორტული ცენტრის – „იმედის“ სარემონტო სამუშაოებს, რომელიც მოიცავს მთლიანად შენობისა და საფეხბურთო მოედნის სრულ რეაბილიტაციას. გარდა ამისა, სრულად განახლდება საცურაო აუზი, მოეწყობა გასახდელები და საშხაპე ოთახები“, – აღნიშნა კალაძემ.
მისი ინფორმაციით, ჯამში, პროექტის ღირებულება დაახლოებით ნახევარი მილიონი ლარია.
ობიექტის რეაბილიტაცია 15 ნოემბრიდან დაიწყება და 2020 წლის თებერვლის ბოლოს დასრულდება.
| სარეკლამო ადგილი - 11 650 x 60 |
