მიხეილ მესხის სახელობის სტადიონზე ქართველი და რუმინელი მორაგბეების დაპირისპირება ბორჯღალოსნების გამარჯვებით, ანგარიშით - 28-17 დასრულდა.
აღსანიშნავია, რომ შალვა მამუკელაშვილს მოედანი პირველივე ტაიმში დაატოვეს და ფაქტობრივად, მთელი მატჩის განმავლობაში ბორჯღალოსნები კაცნაკლულები თამაშობდნენ.
შეხვედრას, კოვიდრეგულაციების დაცვით, მაყურებელიც დაესწრო.
საქართველოს ნაკრებს რაგბი ევროპის გათამაშებაში 4 შეხვედრიდან 4 გამარჯვება დაუგროვდა და ჯგუფში პირველ ადგილს იკავებს.
საქართველოს ნაკრებმა რუმინეთთან შეხვედრამდე ესპანეთს, პორტუგალიასა და რუსეთს მოუგო
საქართველოს პრემიერ-მინისტრმა ირაკლი ღარიბაშვილმა ბორჯღალოსნებს რუმინელების დამარცხების შემდეგ, ანთიმოზ ივერიელის თასი გადასცა.
გარდა თასის მოპოვებისა, საქართველოს ნაკრები ერთი ტურით ადრე გახდა რაგბი ევროპის ჩემპიონის ტიტულის მფლობელი.
| სარეკლამო ადგილი - 11 650 x 60 |
