1063
04 მარტი 2021, 11:38
ვალის ეფექტიანი მართვა ჩვენი ერთ-ერთი მთავარი ამოცანაა, - ამის შესახებ პრემიერ-მინისტრმა, ირაკლი ღარიბაშვილმა მთავრობის სხდომის დაწყებისას განაცხადა.
მისი განცხადებით, დღეს, მთავრობის სხდომაზე ახალი ევროობლიგაციების გამოშვების უზრუნველყოფის მიზნით, საინვესტიციო ბანკების შერჩევის პროცედურების ინიცირების საკითხის განხილვა მოხდება.
„ცხადია, ვალის ეფექტიანი მართვა ჩვენი ერთ-ერთი მთავარი ამოცანაა, განსაკუთრებით, პანდემიის პირობებში. შეგახსენებთ, 2011 წელს წინა მთავრობამ ლონდონის საფონდო ბირჟაზე განათავსა 10-წლიანი დაფარვის ევროობლიგაცია 500 მილიონი აშშ დოლარის ოდენობით, რომლის ძირითადი თანხის დაფარვის ვადა 2021 წლის აპრილი იყო. სწორედ მთავრობის ვალის ეფექტიანი მართვის მიზნებიდან გამომდინარე, არსებული ევრობონდის ძირითადი თანხის დაფარვისთვის საჭიროა, რომ მოხდეს ფინანსური რესურსის მოზიდვა ახალი ევრობონდის გამოშვებით. სწორედ ამ პროცესისთვის მზადებას ვიწყებთ“, - აღნიშნა პრემიერმა.
| სარეკლამო ადგილი - 11 650 x 60 |
