46
02 აპრილი 2025, 12:20
ამერიკის მთავრობამ პირდაპირი ინვესტიციების რუსული ფონდის ხელმძღვანელს კირილ დმიტრიევს სანქციები დროებით მოუხსნა, რათა ის ვაშინგტონში ჩავიდეს და მოლაპარაკებები აწარმოოს. ინფორმაციას CNN-ი ავრცელებს.
ტელეარხის ცნობით, დმიტრიევი ვაშინგტონში აშშ-ის პრეზიდენტის, დონალდ ტრამპის სპეციალურ წარმომადგენელს ახლო აღმოსავლეთში, სტივ უიტკოფს შეხვდება.
დმიტრიევი იქნება პირველი ადამიანი რუსეთის ხელისუფლების წარმომადგენლებიდან, რომელიც რუსეთ-უკრაინის ომის დაწყებისა და დასავლეთთან ურთიერთობების გაფუჭების შემდეგ ვაშინგტონს ეწვევა, აღნიშნავს CNN-ი.
აღსანიშნავია, რომ დმიტრიევი არის რუსეთის პრეზიდენტის, ვლადიმერ პუტინის ახლო მრჩეველი. ის მიმდინარე წლის თებერვალში სხვა რუს ჩინოვნიკებთან ერთად საუდის არაბეთში ამერიკულ მხარესთან მოლაპარაკებებს აწარმოებდა.
| სარეკლამო ადგილი - 11 650 x 60 |
