51
01 აპრილი 2025, 16:39
საფრანგეთის ულტრამემარჯვენე პარტიის ლიდერის, მარინ ლე პენის წინააღმდეგ სასამართლოს მიერ გამოტანილ გამამტყუნებელ განაჩენს, იტალიის პრემიერ-მინისტრი, ჯორჯია მელონი აკრიტიკებს.
მელონის თქმით, „შეუძლებელია ეს ფაქტი გაუხარდეთ მათ, ვისაც დემოკრატია რეალურად ადარდებთ.“
იტალიის პრემიერი განმარტავს, რომ მარინ ლე პენისთვის თავისუფლების აღკვეთითა და პოლიტიკური საქმიანობის შეზღუდვით, დარტყმა მიაყენეს მსხვილი პარტიის ლიდერს და მის მილიონობით ამომრჩეველს.
ცნობისთვის, პარიზის სასამართლომ მარინ ლე პენი და რვა ევროპარლამენტარი ევროკავშირის თანხების გაფლანგვაში დამნაშავედ ცნო. სასამართლოს გადაწყვეტილებით, ლე პენს საჯარო თანამდებობის დაკავება 5 წლით აეკრძალა. მას აგრეთვე ოთხი წლით თავისუფლების აღკვეთა მიესაჯა, რომელთაგან ორი წელი პირობითად ჩაეთვლება, ხოლო კიდევ ორი ელექტრონული სამაჯურის ტარებით უნდა მოიხადოს.
| სარეკლამო ადგილი - 11 650 x 60 |
