თეთრი სახლის პრესმდივანმა, კაროლინ ლევიტმა განაცხადა, რომ აშშ-ის პრეზიდენტი, დონალდ ტრამპი უკმაყოფილოა ვოლოდიმირ ზელენსკისა და ვლადიმირ პუტინის განცხადებებით.

„პრეზიდენტი წარმოუდგენელ ძალისხმევას ახორციელებს რუსეთსა და უკრაინას შორის სამშვიდობო შეთანხმების დასადებად და მან გამოთქვა თავისი უკმაყოფილება ამ კონფლიქტის ორივე მხარის ლიდერების მიერ გაკეთებული კომენტარების გამო“, - აღნიშნა თეთრი სახლის ოფიციალურმა წარმომადგენელმა.