აშშ-ის სახელმწიფო დეპარტამენტმა ოფიციალურად აცნობა კონგრესს, რომ ის ფაქტობრივად შლის აშშ-ის საერთაშორისო განვითარების სააგენტოს (USAID), ხოლო მის ზოგიერთ ფუნქციას დეპარტამენტი შეითავსებს. ინფორმაციას ამის შესახებ ტელეკომპანია CNN-ი ავრცელებს.

სახელმწიფო დეპარტამენტში აღნიშნეს, რომ USAID-ის რეორგანიზაცია 1-ლი ივლისისთვის დასრულდება.

ტრამპის ადმინისტრაციამ USAID-ი გადასახადის გადამხდელთა ფულის არამიზნობრივად გამოყენებასა და აშშ-ის ინტერესების შეუსაბამო პროგრამების დაფინანსებაში დაადანაშაულა.