119
26 მარტი 2025, 19:37
სამხრეთ ევროპის ქვეყნები უარს ამბობენ მხარი დაუჭირონ ევროკომისიის გეგმას თავდაცვის ხარჯების გაზრდის შესახებ ხელმისაწვდომი კრედიტების მეშვეობით, ვინაიდან შიშობენ, რომ ეს მხოლოდ გააუარესებს მათ ისედაც რთულ სასესხო მდგომარეობას. ინფორმაციას ამის შესახებ გამოცემა POLITICO ავრცელებს.
კერძოდ, წინააღმდეგი გამოვიდნენ საფრანგეთი, იტალია და ესპანეთი. ამ ქვეყნების წინააღმდეგობა სერიოზულ დაბრკოლებებს უქმნის ევროკომისიის პრეზიდენტის, ურსულა ფონ დერ ლაიენის ინიციატივას, რომელიც ევროპის თავდაცვითი ავტონომიის გაძლიერებას ისახავს მიზნად.
მის მიერ შეთავაზებული პაკეტი ითვალისწინებს 150 მილიარდი ევროს ოდენობის კრედიტებს და ევროკავშირის ფისკალური წესების შემსუბუქებას საგანგებო ვითარებაში. მთავარი მიზანია სამხედრო სფეროში ინვესტიციების გააქტიურება და აშშ-ის თავდაცვით ფარზე ევროპის დამოკიდებულების შემცირება.
თუმცა, კონსენსუსის არარსებობა საფრთხის ქვეშ აყენებს ბრიუსელის გეგმის განხორციელებას, რომელიც უკრაინისთვის დამატებითი შეიარაღების მიწოდებას ითვალისწინებს.
„ზოგიერთ ქვეყანას სერიოზული ეჭვები აქვს მიზანშეწონილობის ან თუნდაც ასეთ დონემდე ვალის აღების შესაძლებლობის შესახებ“, - აღნიშნა ევროკავშირის მაღალჩინოსანმა.
სამხრეთ ევროპის ქვეყნები დაჟინებით მოითხოვენ ე.წ. თავდაცვითი ობლიგაციების გამოყენებას - გრანტები, რომლებიც ფინანსდება ევროკავშირის მიერ ფინანსურ ბაზრებზე აღებული ერთობლივი სესხებით და 27 წევრი ქვეყნის ერთსულოვან თანხმობას საჭიროებს.
| სარეკლამო ადგილი - 11 650 x 60 |
