თბილისში, ძიუდოს გრანდ სლემის დასკვნით საშეჯიბრო დღეს ფინალურ ბლოკში სამი ქართველი ვიხილეთ.

მძიმეწონოსანი გურამ თუშიშვილი ტურნირის ფინალში პრინციპულ მეტოქესთან, ნეიტრალური დროშით მოასპარეზე ინალ ტასოევთან, იუკოთი დამარცხდა და ვერცხლის მედალს დაეუფლა.

ბრინჯაოს მედალი მოიპოვა ირაკლი დემეტრაშვილმა (+100 კგ), რომელმაც უზბეკი ბახტიოროვი დაამარცხა. ასევე ბრინჯაოს დაეუფლა გიორგი ჯაბნიაშვილი (90 კგ).

მთლიანობაში, თბილისის გრანდ სლემზე საქართველოს ნაკრები ცხრა მედალს დაეუფლა – ორ ოქროს, ორ ვერცხლსა და ხუთ ბრინჯაოს. ჩვენი გუნდი საერთო გუნდურ ჩათვლაში მეორე ადგილზე გავიდა, ხოლო მამაკაცებს შორის – პირველზე.