სპორტის სამინისტროს ინფორმაციით, საქართველოს ეროვნულ ოლიმპიურ კომიტეტში ევროპის ზამთრის ახალგაზრდული ოლიმპიური ფესტივალის მონაწილე საქართველოს ნაკრები წარადგინეს. ღონისძიებას ესწრებოდა სპორტის სამინისტროს სპორტის დეპარტამენტის უფროსის მოვალეობის შემსრულებელი გიორგი კერესელიძე.
„ბაკურიან 2025“-ზე საქართველოს ღირსებას სამ სპორტის სახეობაში დაიცავს რვა სპორტსმენი: იასონ ვეზდენი (სამთო-სათხილამურო სპორტი), გიორგი ჯაფარიძე (სამთო-სათხილამურო სპორტი), ირაკლი ხერგიანი (სამთო-სათხილამურო სპორტი), გოგა გულედანი (სამთო-სათხილამურო სპორტი), ანასტასია მირიანაშვილი (სამთო-სათხილამურო სპორტი), ნელი უსტიმენკო (სამთო-სათხილამურო სპორტი), ინგა გურგენიძე (ფიგურული ციგურაობა), შიო ქუჩუკიანი (ბიატლონი).
საქართველოს ოლიმპიური დელეგაციის მედროშეები იქნებიან სამთო მოთხილამურეები გიორგი ჯაფარიძე და ნელი უსტიმენკო.
საქართველო 2025 წლის ევროპის ზამთრის ახალგაზრდულ ოლიმპიურ ფესტივალს 9-16 თებერვალს უმასპინძლებს.
ასპარეზობები ბაკურიანში, თბილისსა და ბათუმში გაიმართება. ოლიმპიურ ფესტივალზე რვა სპორტის სახეობაში მონაწილეობას მიიღებს 45 ქვეყნის 1000-ამდე სპორტსმენი.
| სარეკლამო ადგილი - 11 650 x 60 |
