11
21 ნოემბერი 2024, 14:59
ცესკო თანამშრომლობს პროკურატურასთან, მაგრამ, სამწუხაროდ არ თანამშრომლობს თავად პოლიტიკური ოპოზიცია, - განუცხადა „ქრონიკას“ „ხალხის ძალის“ აღმასრულებელმა მდივანმა, საპარლამენტო უმრავლესობის წევრმა გურამ მაჭარაშვილმა.
როგორც მან აღნიშნა, ოპოზიციამ თქვა, რომ მას აქვს უამრავი მტკიცებულება, თუმცა არ მიაქვს პროკურატურაში, ვინაიდან არ არსებობს ასეთი მტკიცებულება.
„ჩვენ ვნახეთ, ბოლო რამდენიმე კვირის განმავლობაში დილით ამბობენ, გვაქვს უამრავი მტკიცებულება, საღამოს პროკურატურიდან გამოდიან და ამბობენ, რომ ვერაფერი მტკიცებულება ვერ მიიტანეს. ეს კიდევ მორიგ ჯერზე გახდა იმის საფუძველი, რომ მათმა პატრონებმაც უცხოეთში და მათმა მხარდამჭერებმაც საქართველოში, ხელი ჩაიქნიეს. თქვეს, რომ ეს ხალხი არაფრის გამკეთებელია. ამიტომ არის, რომ აქციებზეც არავინ ჰყავთ და ამიტომ არის, რომ უცხოეთიდანაც მათ სასარგებლოდ გაცხადებები აღარ კეთდება“, - აღნიშნა გურამ მაჭარაშვილმა.
არჩევნების სავარაუდო გაყალბების საქმესთან დაკავშირებით პროკურატურაში ცენტრალური საარჩევნო კომისიის თავმჯდომარის გამოკითხვა მიმდინარეობს.
| სარეკლამო ადგილი - 11 650 x 60 |
