ძალიან კმაყოფილი ვარ იმ ფაქტით, რომ გვყავს ორგზის ოლიმპიური ჩემპიონი და ეს ყველაფერზე მეტყველებს, - ამის შესახებ საქართველოს ძიუდოს ეროვნული ნაკრების მთავარმა მწვრთნელმა ლაშა გუჯეჯიანმა განაცხადა.
„დამთავრდა პარიზის ოლიმპიური თამაშები ძიუდოსთვის. ჩვენი დელეგაციიდან ბევრი სპორტსმენი აგრძელებს ასპარეზობას. მინდა ყველა გუნდის წარმომადგენელს, მწვრთნელს, სპორტსმენს წარმატება ვუსურვო.
ის ოქროს მედლები, ვერცხლის მედლები და მთლიანობაში მედლები, რომლებიც ძიუდომ შეძლო და მოიპოვა, მინდა ვუსურვო ყველას ჰქონდეს მსგავსი წარმატება.
თვითონ ძიუდოს შეფასების ნაწილში შემიძლია ვთქვა, რომ ძალიან კმაყოფილი ვარ იმ ფაქტით, რომ გვყავს ორგზის ოლიმპიური ჩემპიონი და ეს ყველაფერზე მეტყველებს. ასე, რომ წინ საქართველო!“ - აღნიშნა ლაშა გუჯეჯიანმა.
საქართველოს ძიუდოს ნაკრებმა ოლიმპიადაზე გამოსვლა სამი მედლით დაასრულა. ოლიმპიური ოქროს მედალი მოიპოვა ლაშა ბექაურმა. ტატო გრიგალაშვილი და ილია სულამანიძე კი ვერცხლის მედალოსნები გახდნენ.
| სარეკლამო ადგილი - 11 650 x 60 |
