92
24 მაისი 2024, 21:22
აშშ-ის და ევროკავშირის მიერ საქართველოს წინააღმდეგ წამოწყებული სანქციების მიზანი არის, ერთი მხრივ მათთვის მიუღებელი ხელისუფლების სამაგალითოდ დასჯა და მეორე მხრივ მათი ფულით თუ სხვა რამეებით ნასაზრდოები კონტრელიტების გამხნევება, რომ აქ რევოლუციური პროცესები წამოიწყონ, - წერს ექსპერტი ზაალ ანჯაფარიძე სოციალურ ქსელში.
მისი განცხადებით, ამ კონტრელიტებს ქართული საზოგადოება კარგად იცნობს, ვინაიდან ეს ის ხალხია, რომლებიც დემონსტრაციულად უარყოფენ ხალხის აბსოლუტური უმრავლესობის მიერ გაზიარებულ ცხოვრების ფუნდამენტურ ნორმებს და ღირებულებებს.
“აშშ-ის და ევროკავშირის მიერ საქართველოს წინააღმდეგ წამოწყებული სანქციების მიზანი არის, ერთი მხრივ მათთვის მიუღებელი ხელისუფლების სამაგალითოდ დასჯა და მეორე მხრივ მათი ფულით თუ სხვა რამეებით ნასაზრდოები კონტრელიტების გამხნევება, რომ აქ რევოლუციური პროცესები წამოიწყონ.
ამ კონტრელიტებს ჩვენი საზოგადოება, რომ იტყვიან შემწვარ-მოხარშულს იცნობს. ეს ის ხალხია, რომლებიც დემონსტრაციულად უარყოფენ ჩვენი საზოგადოების აბსოლუტური უმრავლესობის მიერ გაზიარებულ ცხოვრების ფუნდამენტურნორმებს, ტრადიციებსა და ღირებულებებს. უფრო მეტიც, ხმალამოღებული ებრძვიან მათ.
დღევანდელ ე.წ. „თავისუფლების მარშს“ ისე როგორც მანამდე ჩატარებული სხვადასხვა მარშებს, თავისუფლებასთან ცოტა რამ აქვს საერთო. ეს უფრო დასავლეთის წინაშე ცალ ფეხზე მდგომი კონტრელიტების მარშია, მათი რესურსების სრული ლუსტრირებით,” - წერს ზაალ ანჯაფარიძე.
| სარეკლამო ადგილი - 11 650 x 60 |
