ეს და სხვა რეიტინგები ძალიან კარგი კომპასია, რომელიც პოტენციურ ინვესტორს სწორ მიმართულებას უჩვენებს - doing business-ის რეიტინგზე
სარეკლამო ადგილი - 10
650 x 60
1017 24 ოქტომბერი 2019, 19:21
„ეს და სხვა რეიტინგები ძალიან კარგი კომპასია, რომელიც პოტენციურ ინვესტორს სწორ მიმართულებას უჩვენებს”- განაცხადა ექსპერტმა ეკონომიკის საკითხებში ნიკოლოზ მჭედლიშვილმა ტვ „იმედის“ „დღის ქრონიკაში“ მსოფლიო ბანკის doing business-ის რეიტინგების კომენტირებისას. 

მისი თქმით, „ეს რეიტინგები ცვლის ჩვენს ცხოვრებას, თუმცა, ცხადია მყისიერად არ აისახება უბრალო ადამიანების ცხოვრებაზე” 

„ის, რომ ამერიკის შეერთებული შტატები მე-6 ადგილზეა და გვისწრებს ერთი საფეხურით, ჩვენ ვართ მე-7 ადგილზე და ჩვენს ქვემოთ არის დიდი ბრიტანეთი, ნიშნავს იმას, რომ პოტენციური ინვესტორები ცხადია ამას უყურებენ. ეს არ არის მყისიერად გადამწყვეტი მომენტი იმისათვის, რომ ინვესტორი შემოვიდეს და აქ რაღაც ააშენოს, ან ინვესტიციები ჩადოს, მაგრამ ეს და სხვა რეიტინგები არის ძალიან კარგი კომპასი. კომპასი, რომელიც უჩვენებს პოტენციურ ინვესტორს სწორ მიმართულებას. ცხადია, როდესაც ქვეყანაში სერიოზული ინვესტორი შემოდის, მხოლოდ ამ რეიტინგებს არ უყურებს და უამრავი ინფორმაცია კიდევ უნდა მოიპოვოს იმ სფეროდან გამომდინარე, რომელშიც ინვესტიციებს დებს, კანონმდებლობა შეისწავლოს, რა სიტუაციაა ქვეყანაში, მაგრამ ეს არის კარგი ინდიკატორი, თუ რა ხდება ქვეყანაში. ერთი საფეხურით აწევა და ჩამოწევა არაფერს არ ნიშნავს. მაგალითად იგივე გაკოტრების შესახებ კანონმდებლობაა შესაცვლელი. იმიტომ, რომ იქ საკმაოდ ქვევით ვართ, 45-ე თუ 46-ე ვართ. ეს რა თქმა უნდა გააუმჯობესებს ამას. ეს არის ერთ-ერთი ყველაზე პოპულარული რეიტინგი, მაგრამ doing business-ს აქვს ერთი თვისება - რბოლასავით არის, შენ შეიძლება იყო კარგი ქვეყანა და ძალიან კარგი ბიზნეს გარემო გქონდეს, მაგრამ ვიღაც ქვეყანამ უფრო მეტი რეფორმა გაატარა იმ წელს და შესაბამისად შეიძლება გადაგისწრო. ის, რომ სხვა შენზე კარგად გარბის და შენ ცოტა ნელა, ეს არ ნიშნავს, რომ შენ ცუდად გარბიხარ. უბრალოდ იმან გადაგისწრო იმ მომენტში” - განაცხადა ნიკოლოზ მჭედლიშვილმა.

მისი თქმით, „ფიტჩის“ და „სტანდართ ენდ ფუარსის “ რეიტინგები ბოლო 11 წლის განმავლობაში პირველად აგვეწია და BB გახდა. „ეს არის ძალიან მნიშვნელოვანი. ორი ნაბიჯიღა დაგვრჩა საინვესტიციო რეიტინგამდე, საკმაოდ რთული ნაბიჯებია გადასადგმელი, მაგრამ ის, რომ წინ მივიწევთ არის ძალიან კარგი"- განაცხადა ნიკოლოზ მჭედლიშვილმა
სარეკლამო ადგილი - 11
650 x 60
ლაშა ქავთარაძე საქართველოს ეკონომიკური ზრდის საბაზისო პროგნოზზე: წლის დასაწყისში გვქონდა 5%-იანი ეკონომიკური ზრდა, ახლა კი 6,8%-მდე გავზარდეთ
ჩინეთის ხელისუფლებამ შეაჩერა გარიგება, რომლის მიხედვითაც ამერიკულ Black Rock-ს პანამის არხზე ორი ჩინური პორტი უნდა შეეძინა - CNN
ლატვია რუსული არყის უმსხვილეს მყიდველთა ხუთეულში შევიდა
ზოგიერთი ევროპელი ელჩის პროგნოზითაც კი, საქართველოს ეკონომიკა უნდა ჩამოშლილიყო - სინამდვილეში კი, EBRD-მა საქართველოს ეკონომიკური ზრდის პროგნოზი 6 პროცენტამდე გაზარდა, მოლდოვისა და უკრაინის -შეამცირა
არაბმა ლიდერებმა დაამტკიცეს $53 მილიარდიანი გეგმა, რომელსაც ღაზის სექტორში ტრამპის იდეის ალტერნატივად მიიჩნევენ
არქივი