ჩვენ უნდა გავაგრძელოთ მუშაობა ჩვენს პარტნიორებთან, ევროპელ და ამერიკელ მეგობრებთან, ყველასთან, ვისაც რაიმე კითხვა აქვს, - ამის შესახებ ჟურნალისტებს „ქართული ოცნების“ თავმჯდომარემ, ირაკლი ღარიბაშვილმა განუცხადა, რითაც „გამჭვირვალობის კანონთან“ დაკავშირებით გერმანიის კანცლერის, ოლაფ შოლცის განცხადება შეაფასა.

„გუშინ ჩვენ მოვისმინეთ პრემიერ-მინისტრის განცხადებაც, საგარეო საქმეთა მინისტრის და ყველასი - ასე რომ, მე მგონია, რომ კითხვები აქ არ გვაქვს. რა თქმა უნდა, ჩვენ უნდა გავაგრძელოთ მუშაობა ჩვენს პარტნიორებთან, ევროპელ და ამერიკელ მეგობრებთან, ყველასთან, ვისაც რაიმე კითხვა აქვს. ყველა ადამიანს აქვს საკუთარი აზრი, მათ შორის კანცლერს და მე ყველა ადამიანის აზრს პატივს ვცემ“, - აღნიშნა ღარიბაშვილმა.