186
14 ნოემბერი 2023, 12:37
ქართველიშვილის თქმით, რადიკალური ოპოზიციისთვის ეს კვლევა არასანდო იქნება, რადგან პარტიული რეიტინგების ჯამი აქ 100%-ს არ სცდება, განსხვავებით იმ კვლევის შედეგებისგან, რომელიც ტელეკომპანია "ფორმულას" დაკვეთით ჩატარდა.
"უცნაური" კვლევა ჩაატარა "იმედის" დაკვეთით კომპანია "Gorbi"-მ. უცნაურობა იმაშია, რომ პარტიულ რეიტინგთა პროცენტული ჯამი "რატომღაც" ას პროცენტს არ აღემატება და აქედან გამომდინარე, ოპოზიციური სპექტრის მხრიდან, რომლის კვლევები როგორც წესი 102%-ს აჭარბებს ხოლმე - დიდ ნდობას არ უნდა იმსახურებდეს.
ყველა დანარჩენისთვის კი, ეს კვლევა, რომელიც ჩატარდა ოპოზიციის ურყევი რწმენის პერიოდში, რომ "სტატუსს" ქვეყანას არ მიანიჭებენ, კვლევის ეს შედეგი იმის წარმოდგენის შესაძლებლობასაც გვაძლევს, თუ რამდენად გაიზრდებოდა დღეს "ქართული ოცნების" დაფიქსირებული 55%-იანი რეიტინგული ნიშნული იმ გამოკითხულთა მხრიდან, ვინც "სტატუსის" არმინიჭებაზე ფსონის დადებით ამჟღავნებდა თავის პარტიულ ნდობით სიმპატიებს.
რა თქმა უნდა, კატასტროფულია სექტანტების 20%, მაგრამ ფანატიკოსთა ეს სეგმენტი ქვეყნიდან არსად არ გამქრალა და რა გაეწყობა. სექტას ორბიტას "მოწყვეტილი" მისი სხვადასხვა "ხელოვნური თანამგზავრები", რომლებიც ჯამში ასევე 20%-ს შეადგენენ, ამ ეტაპისთვის დაწესებულ 5%-იან ბარიერს ვერ ლახავენ და ამაში ვის ადანაშაულებენ - გაუგებარია.
მათი მხრიდან ბარიერის დაწევის მოთხოვნა, მხოლოდ რამოდენიმე ურეიტინგო პოლიტიკოსისთვის სადეპუტატო მანდატების მოპოვების მიზნით, არ წარმოადგენს იმ სამოტივაციო არგუმენტს, რომელიც ქვეყნის მართლაც რომ პოლიტიკური გაჯანსაღების და პარტიული მრავალფეროვნების შესაქმნელად ისეთი ნაბიჯების გადადგმას ითხოვდეს ხელისუფლებისაგან, რომელსაც (საარჩევნო ბარიერის თუნდაც 3%-მდე დაწევა) ევროპული სივრცის უმეტეს ქვეყანაშიც კი არ მიმართავენ," - წერს ქართველიშვილი.
| სარეკლამო ადგილი - 11 650 x 60 |
