საქართველოს კალათბურთელთა ეროვნულმა ნაკრებმა მსოფლიო ჩემპიონატზე თამაშის უფლება ისტორიაში პირველად მოიპოვა. შესარჩევი ციკლის ბოლო თამაში ნაკრებმა „თბილისი არენაზე“, ისლანდიასთან გამართა და მოწინააღმდეგესთან ანგარიშით 80:77 დამარცხდა.

2023 წლის მსოფლიო ჩემპიონატი კალათბურთში 3 ქვეყანაში - იაპონიაში, ინდონეზიასა და ფილიპინებზე 25 აგვისტოდან 10 სექტემბრის ჩათვლით ჩატარდება.