საპარლამენტო უმრავლესობის ლიდერმა აღნიშნა, რომ ოპოზიციის ინტერესია, მხოლოდ, ზოგადი პოლიტიკური მესიჯებით ფონს გასვლა და რაღაც შედეგის მიღება. მისივე თქმით, პოლიტიკური ოპონენტების მოთხოვნა გულისხმობს იმას, რომ სანამ ოპოზიცია არ გაიმარჯვებს, მანამ ყველა არჩევნები გამოცხადდეს გაყალბებულად, რაც ბუნებრივია, კომპრომისამდე, კონსენსუსამდე ვერ მიიყვანს მხარეებს.

„თუკი, მათი მხრიდან იქნება ოდნავ რაციონალური წინადადება, ჩვენი მზაობა მოლაპარაკებისთვის ყოველთვის არის და კარი ღიაა. მაგრამ, როდესაც მოთხოვნა ისეთია, რომელსაც იურიდიული, ფაქტობრივი, რეალური, რელევანტური საფუძვლები არ აქვს და მხოლოდ და მხოლოდ ზოგადი მოთხოვნით შემოიფარგლება, რაც მოცემულობიდან არ გამომდინარეობს და გამომდინარეობს მხოლოდ და მხოლოდ მოდელირებული, გამოგონილი გაყალბებიდან, ბუნებრივია, ეს მოთხოვნა აღსრულებას, შესრულებას, კომპრომისთან მისვლასა და პოზიციების დაახლოებას ვერ მოემსახურება,“- განაცხადა მამუკა მდინარაძემ.