649
15 სექტემბერი 2020, 20:22
ოპოზიციური პარტიები: „ევროპული საქართველო“, „ნაციონალური მოძრაობა“, „სტრატეგია აღმაშენებელი“ , „ერთიანი საქართველო“ და „ გირჩი“ ხვალ, 16 სექტემბერს, ხელს მოაწერენ შეთანხმებას, რომელიც NDI-ს ორგანიზებით ბორჯომში გამართული ოპოზიციის მოლაპარაკებებისას შეჯერებული საკითხების ნაწილს მოიცავს.
ოპოზიციური პარტიების ინფორმაციით, შეთანხმებას 11:00 საათზე, შინაგან საქმეთა სამინისტროს შენობასთან გააფორმებენ.
მათივე განმარტებით, შეთანხმება გულისხმობს „2020 წლის საპარლამენტო არჩევნებში „ქართული ოცნების“ დამარცხების შემდეგ, მართლმსაჯულების სისტემის რეალური დამოუკიდებლობისა და მისდამი ნდომის გაზრდის მიზნით, უამრავი რეფორმის განხორციელებას“.
„შეთანხმება არის ოპოზიციის მიერ საერთო დოკუმენტზე ხელმოწერის მეორე ნაწილი. პირველი მარტში გაიმართა, რომელიც სასამრთლოების რეორგანიზაციას ეხებოდა.
ხელმოწერის მსურველი პარტიებისთვის ეს ფორმატი ღიაა. ნებისმიერს შეუძლია მიიღოს მონაწილეობა, თუნდაც ხელმომწერებს მომავალში დაემატოს.
შეთანხმების ძირითადი მიმართულებები:
შინაგან საქმეთა სამინისტრო
1. პოლიციის დეცენტრალიზაცია და შსს მინისტრისთვის საპოლიციო ფუნქციების ჩამოცილება;
2. თვითმართველობის ფარგლებში არჩევითი შერიფების ინსტიტუტის შემოღება, სადაც შერიფი იქნება პასუხისმგებელი ყველა ტიპის დანაშაულთან ბრძოლაზე, გარდა ისეთი დანაშაულებისა, რომელთა მასშტაბიც ცდება მისი ტერიტორიული კომპეტენციის ფარგლებს;
3. ორგანიზებულ დანაშაულთან ბრძოლის ბიუროს შექმნა.
პროკურატურა
1. ნაკლებად მძიმე დანაშაულზე დაზარალებულისთვის უფლების მიცემა აირჩიოს მისი ინტერესების სასამართლოში დამცველი. დაზარალებულის ინტერესის დამცველი კი შეიძლება იყოს სახელმწიფო პროკურორი ან ადვოკატი, რომელიც ასეთ შემთხვევაში შეასრულებს ბრალმდებლის ფუნქციას;
2. პროკურატურისთვის გამოძიებაზე ზედამხედველობის ფუნქციის ჩამოცილება და მხოლოდ სასამართლოში წარმომადგენლობის უფლებამოსილების დატოვება;3. ანტიკორუფციული პროკურატურის შექმნა.
სუს-ი1. სუს-ის დაშლა და მისი პოლიტიკური პოლიციის ფუნქციის გაუქმება;2. დამოუკიდებელი ანტიკორუფციული ბიუროს შექმნა“, - აცხადებენ ოპოზიციური პარტიები.
| სარეკლამო ადგილი - 11 650 x 60 |
