თბილისის მერია თბილისში დაგეგმილი საახალწლო ღონისძიებების შესახებ ინფორმაციას აქვეყნებს. საახალწლო სოფელი პირველი რესპუბლიკის მოედანზე 7 იანვრის ჩათვლით იქნება მოწყობილი.

დეკორაციებითა და ინსტალაციებით მორთულ საახალწლო სოფელში გასტრონომიული და სამეწარმეო მარკეტია განთავსებული. აქვე იმართება მუსიკალური ბენდებისა და საესტრადო შემსრულებლების კონცერტები. გამოფენა-გაყიდვა, საშობაო ბაზარი, კულინარიული მასტერკლასები, თეატრალიზებული წარმოდგენა-პერფორმანსები, ღია კინოთეატრი, კანგო, ზუმბა და ცეკვის კარაოკე. ასევე, საბავშვო თემატური სივრცეები, ვორქშოფები, კონცერტები და სხვა საბავშვო გასართობი აქტივობები - ეს ყველაფერი საახლაწლო სოფელში მისულ მოქალაქეებს დახვდებათ.

საახალწლო სოფელში განთავსდა საციგურაო ყინულის მოედანი, ატრაქციონების პარკი, საახალწლო ქალაქის მატარებელი და, რა თქმა უნდა, სანტას სახლი, რომელშიც სანტა ელფებთან ერთად მასპინძლობს ბავშვებს.

საახალწლო სოფელი, საზეიმო ღონისძიებით, 7 იანვარს, შობის დღესასწაულზე დაიხურება, ყინულის მოედანი და დედაქალაქის მთავარი ნაძვის ხე კი 14 იანვრის ჩათვლით იქნება განთავსებული.

ღონისძიებების განრიგი:

30 დეკემბერი

13:00 „რანინა“-ს კონცერტი
20:00 ანსამბლ "ალილო"- ს კონცერტი

31 დეკემბერი

13:00 "ნუცას სკოლა"-ს კონცერტი
20:00 ბენდი "ქვევრის" კონცერტი

1 იანვარი

14:00 "N studios" კონცერტი
20:00 ჯგუფი "ქუჩის ბიჭები"-ს კონცერტი

2 იანვარი

13:00 ნუკრი კაპანაძის სტუდიის კონცერტი
20:00 ქართული ესტრადის შემსრულებლების კონცერტი

3 იანვარი

13:00 ბზიკების სტუდიის კონცერტი
20:00 ბენდი "ღამის შოუ"-ს კონცერტი

4 იანვარი

13:00 "ბასტი-ბუბუს" კონცერტი
20:00 მუსიკალური საღამო "ზამთრის ჯაზი" - „ელის ბენდი“; მაია ბარათაშვილი და ბენდი „New York Tbilisi Connections“; „TG Band“; მარიკო ებრალიძე.

5 იანვარი

13:00 საესტრადო-ვოკალური სტუდია "SUNNY STUDIO"-ს კონცერტი
17:00 ზვიად ბოლქვაძის ბენდის კონცერტი
20:00 ბენდი "რეგიონის" კონცერტი

6 იანვარი

13:00 ინგას და გიგის საბავშვო სტუდიის კონცერტი
20:00 ქართული ესტრადის შემსრულებლების კონცერტი

7 იანვარი

13:00 სტუდია "სახე"-ს კონცერტი
20:00 კონცერტი - „შობის მოლოდინში"