რომის პაპი ფრანცისკე 88 წლის ასაკში გარდაიცვალა. პაპის გარდაცვალების შესახებ ინფორმაციას Reuters ვატიკანზე დაყრდნობით ავრცელებს.

ცნობისთვის, გუშინ სააღდგომო მიმართვა, რომის პაპის ნაცვლად, არქიეპისკოპოსმა დიეგო რაველიმ წაიკითხა. კათოლიკური ეკლესიის წინამძღვარი წმინდა პეტრეს ტაძრის აივანზე სულ რამდენიმე წუთით გამოჩნდა.

პაპი არც სააღდგომო მესას დასწრებია.

რამდენიმე კვირით ადრე, ვატიკანის პრესსამსახურმა გაავრცელა ინფორმაცია იმის შესახებ, რომ რომის პაპ ფრანცისკეს ორმხრივი პნევმონია დაუდგინდა. „88 წლის პონტიფიკის საერთო მდგომარეობა სტაბილურია, თუმცა „კლინიკური სურათი კვლავ რთული რჩება“ - აღნიშნული იყო განცხადებაში.

პაპი ფრანცისკე კლინიკიდან 24 მარტს გამოწერეს.